A Xunta conta cun Sistema de Xestión de Obras de Paso (XOPA) da rede autonómica de estradas, que inspecciona periodicamente a situación dos viadutos das entradas e vías de alta capacidade. Como consecuencia desa inspección detectáronse problemas nas xuntas de dilatación do referido viaduto que fan necesaria unha intervención. A Consellería de Medio Ambiente está a redactar un proxecto efectuar as obras de reparación, que se levarán a cabo nas vindeiras semanas. As mesmas servirán non só para cambiar as xuntas deterioradas, senón que tamén se aproveitará para mellorar a durabilidade das estruturas.

As obras de emerxencia iniciadas hoxe teñen como obxectivo realizar labores de urxencia que ralenticen o deterioro das xuntas mentres non se acomete a actuación definitiva. Técnicos especialistas en estruturas están a avaliar o alcance de ditas actuacións para definir a duración do corte.