A charla, organizada pola Concellaría de Servizos Sociais e Igualdade desenvolverase esta tarde ás 19’30 horas no Centro Cultural de Vilar de Infesta e mañá mércores 3 de xuño ás 20’30 horas no Centro Cultural de San Estevo de Negros.

Estas charlas pertencen á liña de traballo pola saúde que segue a Concellaría, que comezou con cursos de tai chi, batuka, pilates e ximnasia o ano pasado e cunha charla sobre “Muller, saúde e deporte” e o Curso de danza oriental este ano. Ademais, coa impartición destas charlas polas parroquias quérese achegar actividades e información a todas as mulleres de Redondela.