Os dous músicos despregarán ante o público distintos instrumentos (guitarras eléctricas, ukelele ou acordeón) para “pasar pola trituradora” moi distintos referentes. Aseguran que La Maravilla Enmascarada “é, á vez, un espectáculo, un oráculo e un monóculo apuntando simultaneamente á esencia do esencial -isto é, ao superfluo do superficial- do momento efémero pero glorioso que adoita darse nas pequenas superficies.”

Julián Hernández e Rómulo Sanjurjo estrearán o seu novo espectáculo este martes, a partir das dez e media da noite, na Sala Garufa da Coruña e repetirán no mesmo escenario cada dúas semanas.