ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Os amantes das dúas rodas en forma de Kawasaki terán unha data e unha vila que non poden esquecer, xa que, a fin de semana que vai do 28 ao 29 de novembro se celebra en Vilalba a “I Quedada Galaico-Asturiana Kawa.es”. Organizada polo foro kawa.es concentrará na capital da chaira a preto de 120 moteiros desta senlleira marca nipona e que procederán de comunidades como Galicia, Asturias ou León.
As actividades comezarán o propio sábado 28, coa recepción ás motocicletas que se acheguen polo punto de encontro, situado no Hotel Villamartín. A hora oficial da xuntanza situouse ás 16.00 horas, aínda que haberá unha xornada de tapeo para os que se concentren desde a mañá.
Ás 16.30 está programada unha ruta que discorrerá pola mariña lucense, concretamente pola vila de Ribadeo, na que se visitará a Praia das Catedrais, o Cargadeiro e o Porto Deportivo desta localidade lucense. O retorno levará aos adictos ás Kawasaki polos municipios de A Pontenova, Meira, Muimenta e Vilalba.
Contra as 19.30 horas, tempo previsto para a chegada da caravana de motos, pasarase a degustar as especialidades da vila en forma de viños e tapas, que serán o aperitivo perfecto para a cea que terá lugar no Hotel Vilamartín.
Xa o domingo haberá un almorzo sobre as 10 da mañá, así como a exposición dunha Kawasaki ZX6R que está a participar na Copa Celta. Xa despois, o concesionario Ibérica de Cospeito procederá ao sorteo de regalos entre os asistentes, ademais de amosar as súas novidades. As 14 horas marcarán o comezo do remate desta concentración de motos ao ter lugar a comida de despedida.
Para todos aqueles que se queiran apuntar pódeno facer no propio foro www.kawa.es ou chamando ao teléfono 678 908 634. O prezo para toda a fin de semana é de 50 euros, aloxamento, cea, almorzo e comida incluídos.