ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A leituga é o producto estrela neste momento en Agronuquel onde agardan os primeiros tomates ecolóxicos para finais de xuño.
Na Costa da Silva, en Neda, están as plantacións de Agronúquel, con produtos de horta ecolóxicos e un mercado aberto á contorna, Neda, Narón, Fene, Ferrol e Cabanas-Pontedeume. Bárbara Rivera está notando como a clientela particular continúa fiel así como as tendas pequenas ás que prové, pero o baixón nótase no parón da hostalería e no peche dos comedores escolares aos que servían antes do coronavirus. Ter servizo a domicilio é unha boa cousa neste tempo de crise porque o confinamento provoca que a xente que se achegaba con frecuencia aos invernadoiros de Agronuquel para recoller a compra, agora non o faga. Pero eles achéganlles os produto á casa, tomando as medidas de seguridade pertinentes. Colocan a caixa no portal do edificio sen entrar en contacto co cliente e este paga por transferencia bancaria ou “ao fiado”, explica Bárbara, pagando cando remate esta alarma sanitaria.
Bárbara Rivera non perde a esperanza de que, cando pase todo isto, a xente se conciencie e valore os produtos de proximidade pero recoñece a comodidade de coller todo no super dunha vez e sen molestarse. Neste momento o produto estrela en Agronuquel é a leituga, pero tamén saen cóengos, rúcula, repolos ou cabazas. Prontiño sairán os chícharos e tirabeques. Calcula Bárbara que os tomates estarán listos a finais de xuño, o mesmo que os pementos ou as berenxenas. Con luvas, máscaras, moito coidado no contacto coa xente e cos cartos, así traballan neste tempo de alarma sanitaria en Agronuquel. Atende mediante whatsapp no número 686823116 ou no correo electrónico agronuquel@gmail.com
Publica o teu comentario agora