A celebración das Letras Galegas crúzase na campaña electoral. O CCRD de Perlío adiantase e celébrao xa esta fín de semana. Mañá xoves dia 9 celebran o Recital de textos do homenaxeado, Antonio Fraguas, coa colaboración do colectivo Moraima e alumnos de Centieiras, Jorge Juan e IES de Fene. A primeira xornada pechase coas cantareiras Algarabía.

O venres 10 actúa no Círculo de Perlío o grupo de teatro Muíño do vento coa obra “O futuro”.

O sabado 11 rematan os actos coa actuación da coral Eterna Juventud e a rondalla Perla del Río. Todos os actos empezan ás 20h. A queimada non faltará.

Pasadas as Letras Galegas, Hermida adianta dous actos para o mes de xuño que abrirá Paula Carballeira o dia 1 con contos para adultos. O dia 15 actuará en Perlío o grupo de teatro Pérez Parallé. (Na imaxe, a vicepresidenta do CCRD de Perlío, Mariola Hermida).