ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Máis de 50 traballadores secundaron esta mañá o inicio do peche convocado pola CIG-Ensino nas instalacións do Consorcio de Galego de Benestar, "en defensa do carácter público" da devandita entidade e da convocatoria de oposicións "que boicotean" os concellos rexentados polo PPdeG.
O responsable sindical admitiu que "ao principio --o peche iniciouse ás 11.15 horas-- moita xente está a traballar" pero que a participación aumentará "coas rotacións" de diferentes delegados da CIG-Ensino, polo que a súa intención é "permanecer pechados". Louzao criticou que se impida a realización das probas selectivas de persoal do Consorcio a través das alcaldías "que tiñan que nomear a un representante nas comisións de valoración". Esta situación, explicou, prodúcese nas localidades gobernadas polo PP nas que os alcaldes se negan a designar os membros dos tribunais --Crecente, Ortigueira e Taboada-- ou retiraron ás persoas nomeadas --Pereiro de Aguiar, Portas, Xinzo, Pantón e Ponteceso--. Así, reclamou que esta negativa dos concellos "non debería impedir que se realicen --as probas-- no resto dous centros de traballo" e que, dende a CIG-Ensino, lamentaron a postura "improcedente" e "antidemocrática do PP" ao poñer "en xuízo a todos os traballadores". Precisamente, denunciou "o uso político destas cuestións" e quixo "deixar constancia" de que a intención do PPdeG --pon en dúbida a transparencia do proceso selectivo-- é que "tendan a privatizar este servizo" e xerar dúbidas "sobre a súa función social educativa".