ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Milleiros de persoas dedicarán o domingo a limpar os ríos galegos. Un ano máis, responderán á iniciativa de ADEGA que pon en marcha o Proxecto Ríos como cada ano por estas datas. Tamén en Fene, como nos contou María José García, de AETNA, entidade que participa no proxecto, igual que a Asociación Betula e o CEIP Os Casais de Maniños, que o fará noutra data.
“Ata un eixo dun coche” teñen sacado do río. A limpeza segue a ser necesaria, aínda que os leitos están “cada vez mellor”. As persoas que queiran colaborar poden acudir ás 10 da mañá o local de AETNA para comezar a xornada media hora despois. O ano pasado participaron unha vintena de voluntarios e voluntarias O Concello de Fene facilita materiais e instalará colectores en distintos lugares para depositar o lixo que se recolla. O Proxecto Ríos impulsado pola Asociación ecoloxista ADEGA pretende facer labores de conservación en varios cauces e, ao tempo, concienciar sobre o ciclo da auga e o ambiente. Esta iniciativa arrancou en 2008 e desde aquela desenvólvese sempre o último domingo de setembro e de maneira simultánea en distintos puntos do territorio galego. Nesta ocasión, abranguerá ríos de 52 concellos das catro provincias e hai confirmada a participación de 65 entidades, entre áreas municipais, asociacións veciñais e outros colectivos.
Publica o teu comentario agora