O sencillo “Baila mi música”, no que participa tamén a vocalista coruñesa Lis, da ambientación sonora a unha das secuencias da película, ademais de aparecer no CD de “Agallas”.

Marcos Peón é o Dj da discoteca Troco de Vilalba, que é un dos espazos mais visitados nas noites e madrugadas dos fins de semana da Terra Chá e da provincia de Lugo. Peón leva mais de 12 anos recorrendo as cabinas dos mellores clubs do noroeste español e compartindo pratos con dj´s de prestixio nacional e internacional.

Pola súa banda, Arturo Vaquero é un nome de referencia dentro da música e da produción da nosa comunidade. Actualmente rexenta os Estudos Abrigueiro en Friol, onde emprega o seu oído e a súa experiencia na procura de novos talentos da composición melódica galega.

Entre ambos forman, desde 2008, o Dummie Project, banda de house que editou este primeiro single no selo Disex Productions, que é unha das compañías mais afamadas da música electrónica española.