Os seus organizadores, Jorge Cobelo e Fernando Amador, contáronnos a filosofía do festival.Trátase dun evento que busca achegar á xente a Ferrol, pero fora da cidade, que coñezan as praias e as costas e gocen do Galicia Pro Surf, que celebra as súas finais eses mesmos días.

En canto á música, o festival non se pecha a nada, pero o cartel deste primeiro ano céntrase en ofrecer música do xénero “indie” e en traer a artistas nacionais.Grupos e artistas en auxe como Novedades Carminha, Carlos Sadness ou Guitarricadelafuente encabezan o festival coa súa música de “bo rollito”. A falta de preto de un mes para o evento, os organizadores comentaron que queda algún nome máis por confirmar.

Os interesados poderán acceder aos concertos de ambos días cun abono por un prezo de 30 euros. Poderán acampar no camping xunto o recinto do festival cun 15% de desconto presentando o abono e tamén no Hotel Suízo cun desconto do 10%.