Máis dun cento de alumnos e alumnas do IES Fene saíron fora do centro esta mañá para desplegar todo o seu talento musical e compartilo con veciños e veciñas de Fene. Ás 11 horas acudiron á casa do concello de Fene  para amosar o aprendido nas aulas coa profesora de música, Bárbara Mourelo e ofrecer uns mini concertos a golpe de xilófonos e bombos. Unha anovadora iniciativa incluída no proxecto “Musiqueando”, coa que colabora o Concello de Fene a través da Concellería de Ensino que dirixe Ana Novo.

As diferentes actuacións musicais sucedense ata a 13 h, protagonizadas polo alumnado da ESO e Bachelerato. O concerto ía celebrarse ao ar libre na praza Alcalde Ramón Souto pero trasladouse ao interior do salón de plenos da Casa do Concello, a causa da choiva. Numerosos familiares séguenno con emoción porque os rapaces e rapazas tocan moi ben. Teñen unha boa mestra.