As estacións de Adif da Coruña e Ourense acollen este fin de semana a actuación do Coro da Fundación dos Ferrocarrís Españois (FFE), de Madrid. Os concertos terán lugar o sábado 17, a partir das 19.00 horas, na estación da Coruña, e o domingo 18, desde as 12.00 horas, na estación de Ourense-Empalme. Estas actuacións enmárcanse no convenio de colaboración establecido entre Adif e a FFE, co obxectivo de fomentar a actividade musical e de sensibilización no ámbito da convivencia, o diálogo e a cultura.

O programa inclúe un variado repertorio no que predominan os temas populares hispanoamericanos e composicións do folclore rexional español, entre as que destacan varias cancións populares de Galicia.
As actuacións, que terán unha duración aproximada dunha hora dividiranse en dous partes, cun pequeno intermedio. A primeira inclúe sete cancións, con temas españois e suramericanos tan coñecidos como "La flor de la canela", "Eres tu", "Hijo de la luna", ?Mañana de carnaval" ou a canción popular galega "O voso galo comadre". A segunda parte, que comeza con outro belo tema galego, "Negra sombra", estará adicada a obras eminentemente do Nadal.

Coro da FFE

Desde 1997, ano da súa presentación, o Coro da Fundación dos Ferrocarrís Españois ha ofrecido numerosos concertos, destacando as súas recentes actuacións en San Pedro do Vaticano, Praza de España e Panteón de Agripa (Roma), Catedral de Notre Dáme e Igrexa da Madeleine (París) e a Catedral de Santiago de Compostela.

O Coro está dirixido por Ignacio Pilone e Francisco José Flores (director asistente). Conta con 40 voces mixtas e dispón dun amplo repertorio de obras de corte renacentista, barroco, lírico, popular e litúrxico.

Adif fixou seis compromisos para dar resposta aos desafíos que expoñen a sociedade e o medio ambiente en materia de responsabilidade social. Un destes obxectivos é facer das infraestruturas e instalacións ferroviarias un espazo cada vez de maior valor para a cidadanía, aportador de benestar e progreso, así como solidario cos que máis o necesitan, de acordo co Plan Empresa Cidadá de Adif.
Neste sentido, unha das liñas de actuación de Adif consiste en potenciar as estacións como espazos de encontro, cultura e difusión de valores accesibles a todos aos cidadáns. Con este fin nace o Programa Estación Aberta Adif, no que se enmarca esta iniciativa, e no que teñen cabida actividades de interese social e utilidade pública, como exposicións, concertos e campañas de difusión e sensibilización de valores.