ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Músicos, instrumentos, imaxe, traballo actoral e algunha sorpresa conforman o espectáculo "O Camiño" de Setestrelo (formación de Airiños de Fene)
A Praza Ramón Souto de Fene acolle este venres cinco de xullo, o primeiro espectáculo do Ciclo Dia de Galicia do Concello de Fene. A agrupación de Airiños de Fene, Setestrelo, presenta por primeira vez o seu espectáculo “O Camiño”. Con el nos trasladan a Compostela a través da imaxe e da música. Cada Camiño ten a súa música, segundo o director do espectáculo, Miguel Doval. Por exemplo, o Alalá das Mariñas representa, segundo o seu criterio, o noso camiño inglés e “Ancares” faría o propio co francés.
18 músicos e os seus instrumentos, desde voces ata as gaitas e a percusión, subirán ao escenario, guiados por actores encargados de “coser” o Camiño. De fondo, as imaxes seleccionadas entre unhas 2.000 que os fotógrafos lles achegaron para este espectáculo. Haberá que agardar á noite para o seu inicio, previsto para as 22.30 horas.
"O Camiño" son dous anos de traballo, en palabras de Miguel Doval, que este venres teñen a súa recompensa na estrea en Fene. Ogallá que Setestrelo percorra todos os camiños daquí en adiante.
O director Miguel Doval (na imaxe) quixo agradecer na entrevista en Radio Fene todas as colaboracións recibidas para que O Camiño fose unha realidade.
Publica o teu comentario agora