ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O grupo de música infantil Mamá Cabra será o protagonista dun novo mércores do programa “Cultura Aberta”, organizado pola área de Cultura da Deputación Provincial, que dirixe Antón Bao. O concerto terá lugar, como é habitual, nos xardíns da Deputación en Lugo contra as 18.30 horas. A entrada será de balde.
A actuación de Mamá Cabra ten unha perspectiva particular, xa que o seu principal obxectivo é pedagóxico, propoñendo diferentes aprendizaxes a través da música. A participación dos nenos a través de xogos, a presentación dos instrumentos e os contidos das súas cancións, baseados no respecto ao medio ambiente ou no fomento da lectura, farán deste concerto algo mais que unha actividade ideal para o tempo de lecer.
Mamá Cabra é un grupo de música infantil formado por sete músicos que tocan a batería, a percusión tradicional, a frauta e a gaita, o baixo eléctrico e a voz. O espectáculo durará sobre 45 e 60 minutos e está dirixido, preferentemente, a nenos e nenas de 0 a 10 anos.