Os alcaldes da Mancomunidade adoptaron este acordo nunha xuntanza aberta á participación dos primeiros edís de municipios de Ferrol, Eume e Ortegal. As corporacións locais aprobarán un texto de consenso que recollerá, entre outras cuestións, a necesidade de novos contratos, a construción do dique flotante, a elaboración dun plan industrial para os terreos sen uso da antiga Astano e o levantamento do veto produtivo da Unión Europea que impide á planta fenesa construír barcos.

Os plenos municipais fixáronse para o xoves 26 ás 6 da tarde, celebrándose a un tempo en todolos municipios.
O alcalde de Ferrol e presidente da Mancomunidade destaca a unidade de acción dos Concellos das comarcas de Ferrol, Eume e Ortegal na busca de solucións ante a crítica situación que atravesa o naval