Concretamente no litoral da Coruña e Lugo agárdase mañá mar de fondo do noroeste de ata catro metros, e vento do sudoeste de Forza 8, alcanzando puntualmente Forza 9 e mar moi grosa. Para o domingo, seguirá o mar de fondo do noroeste, que pode chegar ata cinco metros.No litoral de Pontevedra, pola súa banda, mañá espérase mar de fondo do noroeste alcanzando ata catro metros, con áreas de forte maruxía aumentando a mar grosa. O vento pode chegar a Forza 7. Xa o domingo o mar do fondo do noroeste pode chegar a cinco metros.Ante as citadas prediccións meteorolóxicas, a Dirección Xeral de Emerxencias e Interior, dependente da Consellería de Presidencia, Administracións Públicas e Xustiza, comunicou que se adopten as medidas preventivas necesarias e no seu caso se alerten ou mobilicen aos medios e recursos dispoñibles. Tamén para mañá hai unha alerta amarela por vento e choiva que afectará ao litoral da comunidade. Espéranse refachos de ventos fortes que poderán superar os 90 quilómetros por hora e que afectarán fundamentalmente ás tres provincias costeiras, mentres que as chuvias poderán superar os 15 milímetros de auga acumulada nunha hora na Coruña, Pontevedra e Ourense.