ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A Marcha Mundial das Mulleres convoca mobilizacións para este domingo en seis cidades galegas con motivo da conmemoración do Día Internacional da Mulleres. A principal reivindicación deste ano é que a crise non afecte especialmente aos dereitos femininos.
Desde o colectivo feminista asegúrase que a situación das mulleres ante a crise é de grande vulnerabilidade e para apoiar esa argumentación ofrécense diversos datos. A nivel internacional as cifras resultan claras: de cada 100 persoas pobres que existen no mundo 70 son mulleres e só un 1% da terra está en mans femininas. No eido galego, as principais desigualdades aprécianse no mercado laboral, onde as mulleres reciben soldos máis baixos e sofren maior precariedade.
A voceira da Marcha Mundial das Mulleres, Lupe Ces, resaltou nos micrófonos de Radiofusión a importancia de mobilizarse e puxo como exemplo o conseguido no último ano. O pasado 8 de marzo o colectivo saíu á rúa para defender o dereito ao aborto e na actualidade o goberno central prepara unha nova lei de interrupción do embarazo.
Ces tamén se referiu á nova etapa que se abre en Galicia coa volta ao poder do Partido Popular. Asegurou que desde a Marcha Mundial das Mulleres estarán atentas a que non se retroceda nas políticas de igualdade xa que, afirmou, o “o PP é un partido que tradicionalmente defendeu o valor do patriarcado”.
A Marcha convoca manifestación o domingo en Vigo, Santiago de Compostela e Ferrol, así como concentracións en Pontevedra, A Coruña e Cee. Todas as mobilizacións estarán encabezadas polo lema As mulleres traballamos, as mulleres contamos. Non solucionaredes a crise a costa dos nosos dereitos.