ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Oliver Laxe financiou o seu filme Todos vos sodes capitáns, premio da crítica na Quincena de Realizadores do Festival de Cannes, grazas a unha das axudas de creación e desenvolvemento do talento audiovisual que xestiona a Axencia Galega das Industrias Culturais (AGADIC). Un grupo de críticos, directores e produtores agrupáronse para salvar esta liña de subvencións dos recortes da Xunta e utilizan o exemplo de Laxe como proba do éxito do modelo
“Estas axudas puxeron en valor un mundo paralelo que estaba na sombra da industria audiovisual e destacaron a figura dos creadores individuais como motores de produción libre e independente”, arguméntase no manifesto publicado no blog de cinema Acto de Primavera. Os asinantes aseguran comprender os difíciles momentos económicos que vive a Administración, e mesmo admiten a posibilidade de recortes nas contías, pero coidan que a supresión sería “un gran paso atrás”. “Hai que establecer prioridades nas contas do departamento de Cultura”, afirma Pawley, para quen está claro cales deben ser esas prioridades: “Se hai que apoiar a alguén, ten que ser aos máis novos”. Alegan que esta liña de subvencións conta cun orzamento de 300.000 euros, “unha cantidade equivalente ao que recibe unha soa longametraxe de produción convencional e que o ano pasado serviu para impulsar 35 proxectos”.