Tal e como contan fontes próximas á familia, sobriño e tío vivían na mesma casa onde tamén residía a nai do rapaz, precisamente foi ela quen atopou os cadáveres. A consternación fíxose coa parroquia onde tío e sobriño gozaban dunha grande popularidade. Manuel Barreiro sofría desde hai tempo problemas psiquiátricos e estaba a tratamento na consulta dun doutor de Santiago de Compostela. Algunhas fontes indicaron que as súas relacións co seu tío, minusválido, non eran boas.