ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O Concello de Cabanas, a través da área de turismo, vén de concluír os traballos de mellora da senda que percorre a costa do municipio, desde a Praia da Madalena até Río Castro, pasando polo areal de Chamoso. No concreto, as actuacións levadas a cabo nas últimas semanas serviron para amañar a escaleira que ascende desde a praia da Madalena, instalar unha varanda na escaleira que baixa cara a praia de Chamoso, consolidar e ensanchar varios treitos de camiño e instalar varandas de protección. Tamén foi instalada sinalización de seguimento do percorrido e paneis de situación nos tres areais.
“Os traballos realizados eran urxentes e imprescindíbeis para mellorar a seguridade nunha das sendas máis percorridas do noso concello, e que estaba gravemente afectada pola erosión costeira”, sinalou o tenente alcalde e concelleiro da área de turismo, Iago Varela. O concelleiro tamén puxo en valor a nova sinalización turística instalada no percorrido que “facilita o acceso á información da ruta desde terminais móbiles grazas ao uso de códigos QR”.
Estas actuacións supuxeron un investimento de 43.628,97 €, e foron financiadas a través dun convenio de colaboración entre a Axencia de Turismo de Galiza, cunha aportación e o Concello de Cabanas.
Publica o teu comentario agora