ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A actuación levarase a cabo no Camiño Inglés ao seu paso por Fene e contempla un investimento de ata 91.657,51 euros.
O goberno do PP de Fene saca adiante as obras do POS+ adicional coa abstención dos grupos da oposición. Inclúese no Plan Provincial de Obras e Servizos Adicional (POS+Adicional): as obras de reforzo do firme na rúa Santa Ana e un tramo da rúa Travesa. A proposta saíu adiante co voto favorable do grupo de goberno e a abstención dos demais grupos da corporación.
A actuación levarase a cabo no Camiño Inglés ao seu paso por Fene e contempla un investimento de ata 91.657,51 euros (75.750,01 euros sen IVE), dos cales 82.466 euros correrán a cargo do POS+ Adicional da Deputación provincial da Coruña e os 9.191,15 euros restantes contarán con financiamento propio do Concello de Fene.
Galego prioriza estas actuacións por formar parte o trazado do Camiño Inglés a Santiago de Compostela, máxime tendo en conta que estamos en datas próximas ao vindeiro Ano Santo, que será no 2021. Nesta liña, e tendo en conta o interese crecente dos peregrinos por esta ruta xacobea, considerouse dende o Concello de Fene que esta actuación era unha prioridade para incorporar ao plan de obras e servizos provincial.
O proxecto contempla a realización de traballos de pavimentación e sinalización entre a rúa Travesa (Fene) e a rúa Santa Ana (Perlío), que na actualidade presenta un importante deterioro. As obras, que o Concello sacará a contratación, executaranse nun trazado de 943 metros de lonxitude e, unha vez iniciados os traballos, o prazo previsto para a execución é de tres meses.
Publica o teu comentario agora