Melloras no abastecemento de augas

Melloras no abastecemento de augas

08 de Marzo, 2010 - 12:00 h. | Publicada por Radio Ordes

Co fin de mellorar o abastecemento de auga potable no municipio, o goberno local do Concello de Ordes decidiu incluir dentro dos proxectos do Fondo Estatal para o Empleo e Sostenibilidade Local, novo fondo estatal, a construcción dun depósito de auga potable en Ordes. O municipio conta xa con outros dous depósitos de auga potable, contribuindo este terceiro a “mellorar o abastecemento de auga potable para todos os veciños e veciñas de Ordes”, tal e como explico

O edil insistiu na importancia deste tipo de obras que teñen como único obxectivo “mellorar a calidade de vida dos veciños e veciñas do municipio satisfacendo, en primeiro lugar, as súas necesidades básicas. Dende o Concello estamos traballando para que os ordenses teñan todos os servizos á súa man e esta obra é un exemplo deste empeño co que traballamos día tras día”.
O novo depósito, que estará ubicado na zona de Merelle, abastecerá ao núcleo urbano e tamén a moitas outras zonas do termo municipal ordense.

Este proxecto inclúese dentro do grupo de obras que o goberno local, que preside o alcalde Manuel Regos, decidiu levar a cabo con cargo ao novo fondo do Estado que destina ao municipio máis de 1,3 millóns de euros.

Características
O novo depósito de auga potable que se construirá en Ordes, tal e como se explica no proxecto, terá unhas dimensións exteriores de 20,8 x 15,8 m, e unha capacidade aproximada de 1500 metros cúbicos. Estará formado por muros de formigón armado de 40 cm de espesor e unha altura dende a base da soleira de 5 m. Ademais estará composto por un só compartimento e atoparase soterrado ata unha altura de 2,5 m.

Sociedade