O INE indica que a taxa bruta de natalidade en Galicia é de 7,2 nacementos por mil habitantes, a segunda máis baixa, tras a de Asturias (6,3), mentres que a media nacional está en 9,1. Pola súa banda, as defuncións en Galicia reducíronse en 508, quedando nun total de 29.925 en 2014. A Comunidade galega conta coa terceira taxa bruta de mortalidade máis elevada de España, de 10,9 por mil habitantes, por encima da media española de 8,5. En canto a a esperanza de vida ao nacemento, en Galicia está nos 83 anos, o que iguala a media nacional e colócaa como a oitava autonomía coa cifra máis elevada. A enquisa tamén rexistra os casamentos. En Galicia houbo en 2014 8.799 matrimonios, o que supón 226 máis que o ano anterior. A idade media ao matrimonio mantivo a súa tendencia crecente ao situarse en 36,9 anos para os homes e 34 para as mulleres no Estado.