Calzado, textil, artesanía e mesmo alimentación serán os sectores que se darán cita nesta primeira feira o domingo dia 13, coincidindo co feirón da parroquia.
A praza do Perla de Perlío acollerá un total de 20 negocios.  Os asistentes recibirán un agasallo ao sair da feira e tamén participarán nun sorteo de vales de compra entre outros agasallos, que se celebrará ás 9 da noite. Este primeiro Merca In Fene, organizado pola Asociación O Cruceiro, conta coa subvención do concello de Fene e coa colaboración da Deputación da Coruña. Lembramos a cita, este domingo desde as 11 da mañá ata as 9 da noite a feira Outlet abrirá ininterrompidamente na Praza do Perla de Perlío, en Fene.