Os responsables de Meteogalicia están moi satisfeitos co grao de penetración na sociedade galega das súas previsións. No pasado ano rexistráronse 100 millóns de accesos á súa páxina web para consultar o estado da meteoroloxía no noso territorio. Para Vicente Pérez, a cifra supón unha gran satisfacción, pero tamén unha gran responsabilidade, por ser o servizo de referencia. A fiabilidade da información é dun 90 por cento de ‘hit rate’ no caso das precipitacións, e o erro do cálculo da temperatura e menor de 1,5 graos, segundo os datos que manexa Meteogalicia.