“Gustaríame moito que a xente adoptara ou acollera animais maiores ou enfermos. Velos volverse como cachorriños na túa casa é unha experiencia marabillosa”, declara esta muller namorada dos animais. “Rescatar animais que estean en apuros, facer de casa de acollida cando podo e fai falta, curar as súas feridas, levalos ao veterinario….un sinfín de cousas con cans e gatos, algún tamén”. Está dedicada a este labor desde “fai sete ou oito anos, cando adoptei o meu primeiro can”. “Son a miña vida, se o día ten 24 horas eu dedico 20”. Amparo aproveita a súa creatividade para sufragar os gastos que conleva a súa dedicación aos animais e a colaboración con protectoras. Pinta sobre pedras e outros materiais retratos de animais. Admite encargas, basta con mandarlle unha foto do animal ao teléfono 687 090 889.