Malia compartir os principios de racionalidade no consumo, de mellora da xestión e de loita contra a contaminación, a plataforma é contraria á lexislación adoptada polo Parlamento galego e considera que con esta Lei a empresa pública de dereito privado Augas de Galicia, encargada da xestión do recurso, podería privatizarse no futuro.

Pola súa banda, Manoel Santos, representante de Altermundo, coida que o grave desta lexislación é que non privatiza só o subministro senón que se privatiza o elemento. Santos apuntou que detrás da Lei escóndense as directrices da Unión Europea e do Banco Mundial e que se trata dun saqueo dun dereito humano.