ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A Moexmu foi o espazo elixido para inaugurar a nova páxina web da Mancomunidade da Terra Chá, www.mancomunidadeterracha.com. O stand desta institución supramunicipal, instalado no recinto da XXV edición desta feira, disporá dunha pantalla táctil na que se poderá acceder á páxina, que estará dispoñible para todos os internautas desde mañá venres.
A web terá como obxectivo principal ser un portal de información sobre a oferta turística dos cinco concellos que forman parte desta organización: Cospeito, Castro de Rei, A Pastoriza, Outeiro de Rei e Abadín. Esta nova ferramenta será unha guía rápida e de fácil acceso para todos aqueles que decidan achegarse ata esta zona para coñecer de primeira man os seus puntos de interese máis relevantes.
Os contidos incluirán mapas, rutas culturais e naturais, aloxamentos ou restaurantes en cada un dos concellos asociados. Poderanse xestionar e programar visitas a castros, espazos verdes, festas ou lugares onde practicar deporte.
Por outra banda, durante toda a fin de semana distribuiranse na Moexmu folletos que recollerán algúns dos aspectos máis importantes dos municipios da comarca como son o Castro de Viladonga, as lagoas de Cospeito e Fonmiñá, Penas de Rodas ou a Serra do Xistral.
O stand quedará instalado na parte central do recinto feiral de Muimenta (Cospeito), ao lado do hórreo, a disposición de todo aquel que desexe saber máis dos atractivos da rexión chairega.