O tren de Renfe saíra ás 14:30 da Coruña, con destino a Ferrol e permaneceu parado 90 minutos no lugar do suceso, aínda que non foi necesario o transbordo de viaxeiros nin afectou a outros servizos ferroviarios, explican fontes de Renfe.
Segundo sinalan desde o operativo, o home, que residía no lugar de Conces e tiña máis de 80 anos, estaba a camiñar pola vía para dirixirse cara ao centro da terceira idade cando foi arrolado. Cubríase cun paraugas para resgardarse da forte choiva e do vento que arreciaba a esa hora, o que puido provocar que non ouvise nin vise o convoi.