Morre un preso no cárcere de Pereiro de Aguiar

Morre un preso no cárcere de Pereiro de Aguiar

24 de Febreiro, 2010 - 12:00 h. | Publicada por Radio Allariz

Os funcionarios de prisións do cárcere de Pereiro de Aguiar en Ourense atoparon a un recluso sen vida a primeira hora da tarde de onte. Permanecía inmóbil no interior da súa cela sen signos externos de violencia. Contaba con 39 anos e en 4 meses remataría a condena a seis anos de prisión que cumpría por roubo.

O preso non compartía cela e pola mañá participara con total normalidade nas actividades do centro sen que ninguén puidese apreciar calquera síntoma estraño. O home foi trasladado ao Complexo Hospitalario de Ourense para que lle practiquen a autopsia que determine as causas do seu falecemento.

Sociedade
  • 165 lecturas