O certame constará de dous premios: un á mellor presentación, que votará un xurado composto por membros da Asociación; e outro á mellor tapa, que será valorado polo mesmo xurado e tamén polos votos dos propios clientes dos establecementos. A opinión do primeiro contará un 30 % da nota final, mentres que a valoración dos segundos será o 70%. 

Para os que queiran facer de xuíces de cada unha das especialidades dos locais deberán acudir a partir das sete do serán, xa que é despois desa hora cando se servirán. A tapa de cada local será a mesma os cinco días e cobrarase a un euro.

En cada un dos establecementos haberá  unha urna onde se poderán depositar un ticket onde conste a valoración que se lle fai a cada creación culinaria. No boleto deberase poñer o nome, apelidos, localidade, teléfono e o voto, para poder proceder despois ao sorteo dos 100 euros para os clientes.

As urnas estarán precintadas ata o venres, momento en que se procederá á súa recollida. A súa apertura aínda está por determinar e contará coa presenza dos membros de Asociación de Empresarios que participaron como xurado e con representantes dos locais participantes. Entre as tarxetas das rutas completas tamén se extraerá unha para outro premio que doarán os locais participantes e que consiste en 100 €.