Eran tempos nos que non había móbiles. Nas casas tampouco había teléfonos fixos. Por iso a central telefónica foi moi importante para Maniños. O gobernador civil Evaristo Martín Freire presidiu todos os actos.  A máxima autoridade da provincia indicou a necesidade de que o Concello traballara con fe e entusiasmo, seguindo as normas “de nuestro Caudillo” e laborando sempre con rectitude, honradez e economía”. Nada de gastos suntuarios, dixo Martín Freire. Fernandez Vizoso tomou posesión como alcalde e como xefe local do Movimiento Nacional (partido político único na ditadura). As autoridades asistiron a unha misa na igrexa de Maniños e ao finalizar actuou no adro o coro Toxos e Froles. Despois a comitiva se dirixiu ao edificio no que se instalara a Central Telefónica. Tamén ese dia inaugurouse un lavadoiro público construído no Piñeiro polo industrial Manuel Otero en lembranza do seu pai Antonio Otero Torrente.