A aprendizaxe

A educación céntrase na motivación e interese dos meniños e meniñas, respectando o ritmo e as características de cada quen. Defínese como “un espazo educativo inclusivo, laico, amábel, respectuoso e aberto á comunidade social do seu entorno”.
Utilizan unha pedagoxía que parte da indagación e da investigación-acción, en busca da autonomía dos nenos/as, fomentando valores como a igualdade, a solidariedade, a empatía, o respecto, a coeducación, a tolerancia e o coidado polo medio ambiente.
Francisco López, é presidente de Avoaescola Sociedade Cooperativa Galega e director da Avoaescola Ferrolterra; Carla Prego, mestra infantil, pedagoga e directora; Bibiana Grandal, mestra infantil e psicopedagoga e Carmen Álvarez, mestra infantil.

As instalacións

Ademais das aulas e o lugar de descanso, cóntase cunha aula especial de psicomotricidade totalmente equipada e unha zona de xogo ao aire libre con espazos verdes e unha horta ecolóxica.

Prezos populares

Avoaescola ten prezos económicos, cunha promoción de benvida do 50% de desconto no primeiro mes.
Avoaescola ofrece facilidades de pago para facer efectivas as axudas da administración ou empresas (cheque infantil, becas, ...) e garantiza a escolarización dos/as nenos/as durante o curso no caso de problemas económicos da familia.

Horario de atención

Avoaescola está aberta de luns a venres, de oito e media da mañá a seis e media da tarde; dispón de servizo de horas soltas e de atención alimentaria para o xantar ou a merenda das crianzas.
Esta Escola Infantil é de AVOAESCOLA Sociedade Cooperativa Galega, apoiada económica e socialmente pola Asociación Galiza co Galego.

Contactos

Avoaescola Ferrolterra
Telfs: 981930850 – 655011250
email:avoaescolaferrolterra@gmail.com