O Banco de Alimentos Rías Altas (BALRIAL) é unha Asociación de carácter social, legalmente constituída, independente e sen ánimo de lucro, baseada no voluntariado. O seu obxectivo básico e principal é recoller alimentos, e tamén excedentarios do mercado e aptos para o consumo humano, en bo estado (consumibles), pero non comercializables, e repartilos entre as institucións benéficas da provincia da Coruña legalmente recoñecidas, para que estas, puntualmente, as entreguen ás persoas e familias en situación de necesidade.

Os alimentos tamén se recollen de doantes privados ou públicos, e das cadeas de alimentación.

Esta Asociación está formada na súa totalidade por voluntarios, que empregan parte do seu tempo en axuda e solidariedade cos máis necesitados, xa de forma puntual ou con asistencia habitual. Actualmente desenvolven este labor a diario, da orde de 32 persoas, que realizan traballos tanto de almacén como administrativos.

O Banco de Alimentos Rías Altas (BALRIAL), dispón de catro almacens de distribución situados na Coruña (2), Ferrol e Santiago.