ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Xosé Neira Vilas acudirá e participará nos actos conmemorativos dos 75 anos de vida do Monumento ao Camiñante Descoñecido, en Barallobre (Fene A Coruña) O autor de Memorias dun neno labrego é o único persoeiro da cultura galega con vida, entre os 12 que teñen adicado un banco no citado paraxe da ría de Ferrol. Os actos comezarán o sábado 4 de xullo ás 12 do mediodia.
Xunto con Neira Vilas, posuen banco adicado no Camiñante os seguintes persoeiros:
Castelao, Curros, Rosalía, Insúa Santos, Irmáns Vilar Ponte, Otero Pedrayo, Bieito Cupeiro, Rof Codina, Pondal, P.Parallé e Ares Feal.
O Monumento ao Camiñante Descoñecido inaugurouse o 1 de xullo de 1934, coa intervención de Ramón Otero Pedrayo, Ramón Vilar Ponte e do veterinario e agrarista Juan Rof Codina. Segundo o promotor do Monumento, o xornalista Alfonso Piñón, "o Camiñante Descoñecido é o traballador que pasa, e é a muller que traballa a terrra buscando o benestar da súa familia; e é o ledo excursionista; e é a muller que pasa aloumiñando a lonxanía, agardando a volta do home emigrado; e é o neno que vai todos os dias á escola, e é a parella namorada que pasea a súa felicidade polo mundo. O camiñante descoñecido é o home que viaxa na procura de aventuras, e é o vagabundo, que non busca nada, porque xa encontrou todo; e é o difunto que pasara a carón noso facendo a súa última viaxe; e é o rio que camiña eternamente até o mar".