Non achantarse

O Pote 1- Meirás 3
25 de Novembro, 2019 - 12:00 h. | Publicada por Radio Fene

O Pote competiu todos os partidos, poucos perdeu e ninguén os goleou. Así resume Manuel Freire o paso do equipo pola primeira fase da segunda autonómica.

ESCOITA O PODCAST:
Adán, porteiro do Pote. Segunda Galicia de fútbol

O Pote non gañou o último partido da primeira fase pero valoran como ninguén a clasificación que xa tiñan logrado antes do domingo. O técnico Manuel Freire valora que os rapaces deran un paso adiante e competiran todos os partidos. “Ninguén nos goleou e poucos encontros perdimos” diso está orgulloso Freire.

Do último partido O Pote 1- Meirás 3, o técnico do Pote di que foi un choque atípico porque non había obxectivos nin tensión por parte algunha. O Pote dedicouse a probar xogadores e cambiar posicións xa que tiña varios lesionados. A primeira parte pasou sen pena nen gloria por ambas partes. Na segunda púxose por diante o equipo fenés cun gol de Dani Cartelle pero pouco lles durou. Afirma Freire que lles gañaron en estratexia non últimos minutos e en dúas xogadas idénticas. O peor foron as tres lesións coas que acabaron no Pote, aínda que son leves.

Na segunda fase que empeza o 8 de decembro, os obxectivos do mister do Pote son: seguir aprendendo, seguir medrando e pelexar os partidos ata o final. “Non achantarse” conclúe Manuel Freire.

(Na imaxe o porteiro Adán)

Deportes

Publica o teu comentario agora