Esta nova infraestrutura consta de dúas naves dedicadas a aparcamento de vehículos; unha con 245,35 metros cadrados, que se destinará a albergar, entre outros, os camións do lixo, que actualmente quedan estacionados na rúa, e outra de 215,17 metros para outros vehículos municipais (tractores, matraquillos, etc.). A maiores, hai outras catro naves deseñadas para acoller os distintos talleres de oficios (carpintería, forxa, electricidade, etc.), cunha superficie que oscila entre os 180 e os 130 metros cadrados. Isto compleméntase con vestiarios, aseos adaptados e outros servizos. Os operarios municipais destinados ás distintas brigadas de vías, obras e servizos están a realizar o traslado ás novas dependencias, unhas instalacións modernas e funcionais que permitirán deixar libres as que viñan ocupando nas “colonias”, en Praia Xardín, recinto para o que o goberno está a estudar e avaliar distintos usos.