“Despois de moitas xestións e de falar con moita xente temos boas novas, a xerente comunicounos que adiante coa xestión, así que imos ter os terreos para o novo centro de saúde sen movelo da zona, cen metros adiante ou atrás, estará en Tarrío, en Perlío”, manifestou o alcalde. A Xunta de Galicia anunciou en outubro de 2021 a previsión de construír un novo centro de saúde en Fene. Nese mesmo anuncio se indicaba que a construción comezará en 2024 e 2025. Agora o Concello e o SEPES dan o paso necesario para poñer a disposición da Xunta a parcela na que se construiráá a nova infraestrutura sanitaria. Será nas proximidades do actual centro sanitario. Segundo comunicou o Sergas o novo equipamento precisa uns 2.600 metros cadrados de superficie construída, nunha ou varias alturas. “Hai terreos de sobra na propia avenida de Tarrío, o SEPES ten máis de 10.000 metros cadrados”. “Desde xaneiro de 2022 reunímonos repetidamente co SEPES para chegar a ese acordo, para chegar a ese bo fin”, celebrou Juventino Trigo.