O novo Goberno de Fene, presidido polo alcalde, Juventino Trigo, organizarase nas seguintes áreas: Desenvolvemento Territorial e do Medio, que levará Manuel Polo. Dinamización do emprego, Seguridade e Participación veciñal a cargo de Sandra Permuy. Dinamización Económica con Ángeles Coira a fronte e Dinamización Social, que o alcalde delegou en Justo Martínez Ardá. A organización do goberno municipal complétase coa creación de distintas subáreas nas que delega competencias o rexedor. Manuel Polo será responsábel das subáreas de Urbanismo e Vivenda e Obras. Justo Martínez Ardá das de Cultura e de Medio Ambiente. Sandra Permuy de Servizos, Persoal, Seguridade e Participación Veciñal, así como de Benestar Social. Cristina Garcia Moroño de Formación e Emprego e do servizo de Radio Municipal. Ángeles Coira de Facenda e Patrimonio e Promoción Económica. Das subáreas de Xuventude e Deportes farase cargo Adán Chao e de Igualdade e Ensino Mari Carmen Martinez.