O “franquismo ambiental” nos ríos Miño e Sil

O “franquismo ambiental” nos ríos Miño e Sil

11 de Agosto, 2011 - 12:00 h. | Publicada por Radio Monforte

ADEGA denuncia o que califica como “franquismo ambiental” nos ríos Miño e Sil. A entidade ecoloxista manifesta a súa oposición aos proxectos Belesar III, Os Peares III e Santa Cristina das compañías eléctricas Unión Fenosa e Iberdrola.

A Asociación para a Defensa Ecolóxica de Galicia califica de “delirante” o proxecto de lago suspendido e central de bombeo en caverna nos meandros do Sil, en plena rede Natura. Para ADEGA, as novas obras “xerarán gravísimos impactos no ecosistema destes ríos, obrigando ao seu secado temporal en varias ocasións ao longo dos máis de 5 anos de traballos”.

Os ecoloxistas sinalan que terá particular impacto o proxecto de central reversibel de Santa Cristina que, partindo do encoro de Santo Estevo, vai elevar a auga até un labor situado na parte alta do canón do Sil. A asociación esixe do Ministerio e da ministra Rosa Aguilar que sexa fidel á súa palabra de non autorizar novos aproveitamentos nos rios galegos. Reclaman asimesmo que se conrrixan as concesións realizadas por Franco ás compañías eléctricas a finais da década dos 50 por un periodo de 99 anos. ADEGA demanda a apertura dun expediente para a recuperación destas concesións polo incumprimento sistemático de Unión Fenosa e Iberdrola da normativa de pesca, de augas e ambiental.

Sociedade