Así, o Servizo de Inmigración e Retorno da Mancomunidade de Ordes ten programadas dúas actividades: a proxección dun curto de 15 minutos baixo o lema “Vivir convivindo” e unha serie de xogos informativos fomentadores da tolerancia entre as persoas nas que se transmitirán mensaxes positivas coma: “as persoas non somos fotocopias, aceptemos as nosas diferencias”. As actividades terán lugar en horario de mañá en seis dos sete municipios da comarca de Ordes. A única excepción será o Concello de Ordes, onde terán lugar na alameda en horario de 16:30 a 18:30 horas.

Nos concellos de Cerceda, Frades e Trazo, estas actividades terán lugar en centros escolares do municipio para, deste xeito, achegalas aínda máis aos rapaces e rapazas da comarca. Así, esta iniciativa terá lugar no colexio de primaria de “A Silva” (Cerceda), no colexio de Ponte Carreira e no centro de sáude (Frades) e no colexio e na gardería de Viaño Pequeno (Trazo). Así mesmo, estas actividades terán lugar paralelamente nas prazas do concello de Mesía e Tordoia, así como no Centro Cultural Fernando de Casas e Novoa de Sigüeiro (Oroso)