ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A Capela do Centro Torrente Ballester acollerá este xoves, ás 22:00, unha nova actuación do ciclo Novas Noites. Nesta ocasión actuará a formación Cocktail Sound, que ofrecerá un repertorio baseado en música jazz, samba e bossa.
Jose Esteban (guitarra), Pepín de Paz (piano) e Genia Fernández (voz) integran este proxecto baseado na procura do son cocktail cun repertorio do jazz, bossa e samba e creado pola cantante de Ferrolterra Genia Fernández, tamén coñecida noutros ámbitos como Eugenia ou Uxia. Esta artista cantou desde nena e como contralto en coros como Euterpe, Albae Sonus e o Coro Universitario de Santiago de Compostela e actuou posteriormente a dúo con Christopher Dravers á guitarra. No ano 2007 asistiu ao SPJ (Seminario Permanente de Jazz de Pontevedra) con Paco Charlín e Abe Rábade. De xeito casual entrou en contacto con Pepín de Paz, por saltar ao escenario nunha jam do Concello o pasado ano, un músico veterano da comarca que involucrou no proxecto a Jose Esteban, experimentado guitarrista con formación no Taller dels Músics de Barcelona e coñecido no mundo da música por proxectos anteriores como Concerto Swing e o Foli Lama Group. O grupo caracterízase por ofrecer unha música elegante propia para un cocktail de música.