Aínda que os delegados de  prevención do comité de empresa da refinaría Resol da Coruña atribúen a causa da ignición á autocombustión do propio carbón pola súa alta temperatura na cámara o expediente de inspección de traballo dictaminou que o detonante da mesma producíuse polos traballos de soldadura. “Isto é o de menos. Estamos satisfeitos coa acta sancionadora que responsabiliza lóxicamente á empresa”, indicou esta mañá en Radiofusión o secretario do comité de empresa de Repsol, Alberto Ferrero.

O sindicalista explicou que non se adoptaron correctamente as medidas preventivas e que se seguía un protocolo específico sen garantir plenamente a seguridade dos traballadores. Unhas medidas reivindicadas desde hai tempo e que agora se implantarou a raíz do sinistro.

Os operarios contaban coa cualificación profesional e a experiencia axeita polo que se descartou un fallo humano.Tras facer público o informe, o comité de empresa reiterou a súa petición de cesamento para o equipo directivo da fábrica "que a día de hoxe, dous meses despois do accidente, aínda non se levou a cabo", subliñou.

O traballador ferido recupérase na casa e evoluciona satisfactoriamente pero a un ritmo moi lento dado o alcance das súas lesións. O caso queda agora en mans da xustiza quen determinará a culpabilidade ou non da dirección da empresa.