BASES
1º- O orixinal deberá axustarse necesariamente a unha mancha de 60x44 cm. (formato vertical). Cada autor poderá participar co número de traballos que desexe, sempre que estes sexan orixinais e realizados en papel ou lenzo, con material e técnica libre.
2º- A obra debe presentarse sen sinatura de autor, que limitará a súa identificación a un lema, e acompañala dun sobre pechado cos seguintes datos: nome e apelidos, D.N.I., idade, profesión, enderezo, teléfono e correo electrónico de contacto, e/ou calquera outro dato sobre o propio traballo.
3º- O xurado valorará de xeito especial a creatividade do arte final, a relación co evento a través da nosa cultura e idiosincrasia e o impacto visual publicitario dos carteis, nos que deberá figurar a o texto “ARZÚA 34ª FESTA DO QUEIXO, 13,14 e 15 DE MARZO DE 2009”. Igualmente, os queixos que formen parte imaxe -no seu caso- deberán respectar a morfoloxía propia do queixo da Denominación de Orixe Arzúa-Ulloa.
4º- Os orixinais deberán ser enviados antes do 8 de xaneiro de 2009 ao Concello de Arzúa, Dpto. de Cultura, sito na Rúa Santiago, 2 – 15810 Arzúa– A Coruña. A organización solicita aos participantes acompañen cada obra presentada con cadansúa copia en formato dixital -CD- (requisito non indispensable).
5º- A elección dos premiados realizarase a finais de xaneiro de 2009, mediante valoración dun xurado cualificado designado pola Comisión “Festa do Queixo”, cun único voto por persoa, agás para o 4º premio, que será elixido por votación popular o domingo 11 de xaneiro, de 11.30 h a 14.00 h na Capela da Madanela.
6º- A peza elixida polo xurado como 1º premio será o cartel anunciador da 34ª edición. Todos os carteis serán expostos ao público do 10 ao 31 de xaneiro na Capela de Madanela. O acto de Entrega de Premios incluirase no Programa Oficial da 34ª Festa do Queixo.
7º- Os orixinais premiados e os seus dereitos de imaxe pasarán a ser propiedade do Concello de Arzúa. Os orixinais non premiados poderán recollerse nas instalacións municipais ata 60 días despois da celebración do evento.
8º- A Comisión resérvase o dereito a deixar baleiros os premios, así como a rexeitar para concurso calquera peza que considere ou aquela que non se axuste ás presentes bases. As súas decisións serán inapelables.
9º- PREMIOS: o certame outorgará catro premios, repartidos en:
1º PREMIO…………………..600 €
2º PREMIO…………………..300 €
3º PREMIO…………………..150 €
4º PREMIO…………………..agasallo especial da organización (votación popular)
