O IESCHA e OVICA terán este fin de semana sendas asembleas xerais

O IESCHA e OVICA terán este fin de semana sendas asembleas xerais

05 de Marzo, 2009 - 12:00 h. | Publicada por Radio Lugo

A casa da Cultura de Vilalba foi o lugar escollido polo IESCHA para acoller as súas Asembleas Xerais Ordinaria e Extraordinaria, que se celebrarán mañá, día 6 de marzo, e que comezarán ás 20.15. Esta será a hora na que empece a primeira convocatoria, mentres que a segunda farao ás 20.30 horas.

Os asuntos que se tratarán serán a Memoria de actividades do ano 2008, o Plano de actividades do 2009, o Balance económico correspondente ao ano pasado, así como do Orzamento para o presente ano 2009. Unha vez rematada a Asemblea Xeral, terá lugar a Asemblea Extraordinaria, cun único punto na Orde do día: a elección de Presidente e demais membros da Xunta Directiva do Iescha.

Asemblea do OVICA

A Asociación de Criadores de Ovino e Caprino de Galicia tamén celebrará a súa Asemblea Xeral Ordinaria. Esta vez o espazo elixido será o Pazo de Feiras e Congresos de Lugo e a data o próximo sábado 7 de marzo.

O vindeiro venres, día 6 de marzo, ás 20,15 horas en primeira convocatoria, e 20,30 horas, en segunda, na Casa de Cultura de Vilalba, o Instituto de Estudios Chairegos, convoca Asemblea Xeral Ordinaria para, entre outros asuntos, dar conta da Memoria de actividades do ano 2008, do Plano de actividades do 2009, do Balance económico correspondente ao ano 2008, así como do Orzamento para o presente ano 2009.

Sociedade