ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Músicos de EEUU e Galicia tenderon unha “ponte atlántica”, creada a base de jazz instrumental e que deu como resultado o álbum homónimo Atlantic Bridge. Un traballo que xa está na rúa e no que atopamos nove temas orixinais do pianista galego Alberto Conde, o guitarrista estadounidense Steve Brown, o trompetista
Brown foi mestre de Conde nos anos 80, década na que coincidiron en diferentes seminarios. En 2008, despois de anos sen encontrarse, Internet permitiulles establecer novamente contacto e intercambiar os seus proxectos discográficos. O guitarrista estadounidense interesouse polo traballo do galego, nunha xira europea posou pola Coruña e así naceron os alicerces de Atlantic Bridge.
Tras varios concertos por Europa en outubro de 2008, os nosos músicos viaxaron a Estados Unidos para gravar en febreiro de 2009 en Nova York este primeiro álbum, Atlantic Bridge.
O disco mestura o jazz de raíz galego co jazz norteamericano. Unha fusión moi natural que, segundo o pianista galego Alberto Conde, nos permite falar dun álbum moi coherente.
Brown, White, Somoza, García, Cabana e Conde presentaron a semana pasada no Fórum Metropolitano da Coruña e no Marco de Vigo Atlantic Bridge. A resposta do público presente, fundamentalmente medios de comunicación, “non puido ser mellor”, segundo asegura Conde, que tamén nos confirmou que nos meses de verán farán xira por Galicia e polos festivais estatais.