“A gaita en Galicia sempre estivo viva” afirma Antón Varela, salientando a diferencia con outros paises como Francia, onde o instrumento desapareceu e logo volveu a recuperarse. “Aquí non, sempre houbo un gaiteiro para unha festa, e iso explica que unha vez pasada a moda das gaitas, se manteña, porque é algo moi enraizado” salienta o artesán que aprendeu a construir as gaitas con Antón Corral e con Xosé Seivane. Antón Varela falounos tamén da mellor madeira para construir a gaita: o granadillo e o buxo.
“O meu achegamento ás gaitas foi unha especie de flechazo, a partir dunha visita ao obradoiro de Paulino Pérez en Lugo” indica Varela, artesán, gaiteiro e compositor.