Previamente a visitar San Cibrao, Soria reuniuse daquela co comité de empresa de Alcoa na Coruña. O seu presidente, Nazario Arias, explicou que o ministro trasladoulles que estaba a negociar a nova tarifa eléctrica e tamén se comprometeu a que a factoría de Alcoa na Grela non sería utilizada como moeda de cambio para manter a de San Cibrao. Os traballadores aseguraban que continuarían coas protestas até confirmar os anuncios do ministro. Dous anos máis tarde a nova tarifa eléctrica serve de pretexto á empresa, para anunciar a súa intención de fechar tanto a factoría de San Cibrao como a da Coruña.