ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Os faluchos foron embarcacións moi empregadas na Ría de Ferrol durante o século XIX. Utilizáronse moito en localidades como Mugardos. Estas embarcacións podían levar ata unha vintena de homes. Tiñan uns 11 metros de eslora e empregaban unha vela latina. Había que ter especial coidado co seu manexo nos nosos mares para evitar envorcar.
Foron moitos os afundimentos que sufriron este tipo de embarcacións. O primeiro do que se ten testemuña documental data de 1830, pero sen dúbida, unha das meirandes traxedias foi a do San Francisco.
O San Francisco zarpa xunto con outros dez faluchos para recoller os aparellos que tiñan calados para a captura de pescada. Dos once barcos que zarpan, tan só volven oito. Sábese que dous deles avariáronse polo camiño pero non hai novas do San Francisco.
Máis tarde é divisado quilla arriba con seis tripulantes pedindo axuda. Debido ao forte temporal, o resto das embarcacións non poden auxiliar aos homes que piden axuda. O 25 de xaneiro de 1884 afunde o falucho San Francisco e morren dezanove homes preto da praia de Canelas, onde actualmente se sitúa o porto exterior de Ferrol.
Fernando Patricio encargouse de recoller esta historia no número 2 da revista Albela de Apelón Educación.
Publica o teu comentario agora