ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A subdelegada do Goberno asiste á primeira xornada do xuízo que se celebra en A Coruña. Pilar López-Rioboo reitera que a demanda para a recuperación do Pazo de Meirás responde ao compromiso do Goberno coa memoria histórica. Amosou a súa confianza en que os documentos que presenta a Avogacía do Estado ratifiquen que o edificio pertence ao patrimonio público.
A subdelegada do Goberno na Coruña, Pilar López-Rioboo reiterou hoxe que o procedemento para a recuperación do Pazo de Meirás como ben público cumpre un compromiso do Goberno coa memoria histórica e a recuperación dos bens para uso público que se comezou coa actuación no Valle dos Caídos. A subdelegada acompañou ao avogado do Estado xefe en Galicia, Javier Suárez, á primeira das xornadas do xuízo derivado do procedemento iniciado polo Estado para reclamarlle á familia Franco a propiedade do Pazo de Meirás. Esta vista prolongarase durante cinco xornadas no Xulgado de Primeira Instancia número un de A Coruña.
Á entrada do xulgado, Pilar López-Rioboo lembrou a estratexia jurídica da Avogacía do Estado para a recuperación deste emprazamento. Así, explicou que a documentación aportada polo Estado amosa que a suposta adquisición do inmoble nos anos 40 por parte do dictador foi “simulada e fraudulenta”. Para isto, conta cun “documento chave que demostra que Franco falseou o título co que inscribiu o Pazo de Meirás ao seu nome”, nuns feitos que hoxe en día constituirían un suposto delito de falsidade en documento público. A subdelegada amosou a súa confianza en que o procedemento xudicial conclúa coa recuperación deste edificio para o patrimonio público.
(Na imaxe, Pilar López Rioboo á chegada ao xuízo esta mañá)
Publica o teu comentario agora